На 24 ноември во ресторанот Голд Фелициа во Битола помеѓу КС Групација и беа потпишани договори за стипендирање на студенти на Меѓународен Славјански Универзитет, Факултетот за Информатички и Комуникациски Технологии од Битола, како и и практиканство за учениците од средното училиште СОЕУ „Јане Сандански“. На настанот беа присутни директорите на КС Групација, претставници на Евротип, Голд Слот Клуб, Голд Фелициа, КС Сервис, Агроброд, Премиум Сејфти Солушн и 77битс, како и претставници од образовните институции.

Партнерствата помеѓу локалните образовни институции, бизнис секторот и идните лидери на Битола се извонреден пример за тоа како корпоративниот сектор и образовните институции можат да ги здружат силите за да имаат позитивно влијание врз развојот на следните генерации. Договорите вклучуваат стипендии кои обезбедуваат финансиска помош за студентите, додека програмите за практиканство се дизајнирани да обезбедат искуство и менторство.

Стипендисти на КС Групацијата на Меѓународен Славјански Универзитет се Анастасија Велевска на Факултетот за економија и организација на претприемништво – на студиската програма Финансии и банкарство и Ана Марија Крстевска од Факултетот за економија и организација на претприемништво – на студиската програма Менаџмент и претприемништво. Останатите стипендисти се Петар Митревски, студент во прва година на факултетот за Информатички и Комуникациски Технологии, Валентин Стојановски студент во втора година на факултетот за Информатички и Комуникациски Технологии, Марко Зајков ученик во прва година во средното економско училиште СОЕУ „Јане Сандански“.

На настанот свое обраќање имаа Игор Михајловски, раководител на кампусот на Меѓународен Славјански Универзитет во Битола, продеканот на Факултетот за Информатички и Комуникациски Технологии проф. д-р Божидар Миленковски, в.д. директорката на Средното Oпштинско Eкономско Училиште „Јане Сандански“ – Билјана Јанкуловска и Марина Милошевска комерцијален директор на КС Групацијата.