Михаела Ѓорчева, основач на Киноверзум и заменик претседател на Управниот одбор на Меѓународен Славјански Универзитет, е добитничка на престижното признание за афирмација на женското претприемништво, доделено од регионалниот актив на новинари „Исток“.

Признанието беше врачено на свечената манифестација „Најдоброто од истокот“, што се одржа во Mayberry Highway во Свети Николе на 30. мај 2025 година. Настанот го организираше регионалниот актив на новинари „Исток“, кој традиционално ги истакнува најуспешните поединци и институции од источниот дел на земјата.

Преку својата визионерска работа во рамки на Меѓународен Славјански Универзитет и преку иницијативата Киноверзум, Ѓорчева активно придонесува за развојот на креативните индустрии, унапредување на женското лидерство и поврзување на образованието, културата и претприемништвото. Нејзиниот придонес претставува важен сегмент во создавањето на современи можности за младите генерации и зајакнување на локалната заедница преку иновативен пристап.