На 22.11.2023 година во Ќустендил, Бугарија се одржа завршна прес-конференција во рамки на проектот „Заедно за дигитална иднина на Ќустендил“.  Проектот беше реализиран во рамките на програмата „Еразмус+, а носител беше  Центарот за стручно образование при Евро-славјанска заедница од Ќустендил. Организациите кои го поддржаа проектот се Општина Ќустендил и Регионалниот информативен центар.

Партнер на проектот е Меѓународен Славјански Универзитет, а обуката која се одржа на МСУ се состоеше од пет посебни модули: презентациски вештини во дигитално опкружување, визуелна естетика, креирање и примена на видео предавања, работа со бази на податоци и работа со лица со посебни образовни потреби во дигитална средина.

На завршниот настан од Меѓународен Славјански Универзитет присуствуваше заменик претседателот на Управен Одбор, м-р Борче Серафимовски, а други гости беа заменик градоначалникот на општина Ќустендил – Николај Дочев, менаџерот на Регионалниот информативен центар – Љубомира Велинова, универзитетски професори, наставници во училиштата во Ќустендил, студенти и претставници од други организации.

Целта на проектот е да се подобрат дигиталните вештини на вработените кај нашиот партнер од Бугарија и да се зголеми дигиталниот капацитет на образовните институции во регионот на Ќустендил.