Повик за четвртиот Шаховски турнир „Державин“ во Битола

Меѓународниот Славјански Универзитет како организатор Ве поканува да земете учество на тридневен шаховски турнир од 29-ти ноември до 1-ви декември 2019 во големата конференциска сала на нашиот универзитет во Битола, со почеток од 12:00 часот.

Меѓународниот славјански универзитет „Г. Р. Державин“ веќе традиционално по четврти пат го организира младинскиот шахоски турнир „Державин“ кој како и минатата година, така и оваа, е пријавен и рејтингуван од страна на Светската шаховска федерација. Се работи за еден од најквалитетните младински турнири, со награден фонд од 55.000 денари.

Ќе се играат два турнири во еден и тоа:

• Младинскиот стандарден, за лица родени до 2001 година со рејтинг не поголем од 2000 во 7 кола (60 минути со додаток 30 секунди по потег) и
• Рапид за лица родени до 2009 со 7 кола (40 минути со додаток 10 секунди).

Покрај најсилните шахисти од нашата земја,  на турнирот се пријавени и десетина млади шахисти од Р. Албанија. Повикот е отворен и се уште може да се пријават заинтересираните кандидати.

• Контакт лице за пријавување: Тони Кироски, 072 932 136 или tonisah@t.mk.