„Јас како најмлад натпреварувач го освоив 33 то место, а исто така се рангирав најдобро од сите членови на македонската репрезентација, кое е преголем успех согледувајќи ги резултатите од првите педесетина рангирани места, кадешто има рангирани места кои се повторуваат (а тоа се должи на тесните резултати, што кажува за големата конкуренција). Се направија 9 серии, каде што постигнав резултат од 30 негативни поени.

Само да напоменам дека параглајдерството е спорт во кое рангирањето е независно од возраста на натпреварувачите, нема поделба на јуниори, сениори, кадети и сл.

Се натпреварував заедно со пилоти кои имаат и триесет годишно искуство. За мене ова е прво учество на светско првенство, кое ми придонесе поголемо искуство и поголем мотив за понатамошна работа. Ова светско првенство е најдоброто досега, со најсилна конкуренција, со најголем број натпреварувачи, со најдобри постигнати резултати во историјата на прецизното слетување.

Некои велат успех е самото учество, а јас пак велам дека важно е да се биде на врвот. Како велат повозрасните – Патот до целта е тежок, но не е непознат”.

Овој резултат воедно е успех и на Меѓународен Славјански Универзитет „Г. Р. Державин“ бидејќи ме поддржува во остварување на сонот, достигнување на светскиот врв.

Следното светско првенство ќе се одржи по две години во Србија, a дотогаш тренинг и само тренинг.“ – изјави Борјан.