Конкурс за средношколски есеи – 2021

Успешно се одржа онлајн работилницата „Мартинки – изработка и традиција“
2 март 2021
Институтот за култура и уметност при МСУ потпиша меморандум за соработка со Општина Куманово
4 март 2021

Конкурс за средношколски есеи – 2021


Резултати од конкурсот


  • Прва награда. Анастасија Младеновска, СОУ Гимназија „Гоце Делчев“, Куманово – Како киното го менува градот? А како младината ќе го смени светот?
    • Златна плакета, таблет, МСУ подароци
  • Втора награда. Ирена Станчева – СОУ „Богданци“, Богданци – Делото што ми го промени животот
    • Сребрена плакета, сет за пишување и 5 книги, МСУ подароци
  • Трета награда. Миа Раковиќ – СУГС „Раде Јовчевски – Корчагин“, Скопје – Мојот поглед кон филмот „Со среќа Балтазар“
    • Бронзена плакета, сет за пишување и 3 книги, МСУ подароци

Останати есеи во ТОП 20


  • Мила Павловска – Како киното го менува градот?
  • Александра Богатиновска – Најдобрата одлука што некогаш ја имам направено
  • Матеј Петревски – Новото нормално
  • Анета Стојковска – Вистинското другарство нема рок на траење
  • Вера Петкова – The perks of being normal
  • Фросина Милошевска – What if students evaluated their teachers?
  • Сара Тенеќеџиева – Мојата визија
  • Марија Тасева – Црвениот камион
  • Mагдалена Тасева – Dreams, longings and hope
  • Сандра Чавдарова – How does the cinema change the city?
  • Kudret Ferizi/ Кудрет Феризи – Kur e ardhmja do të na flasë
  • Софија Величковска – Ако книгата е казна, јас ја вкусувам најубавата!
  • Стефанија Чобанова – Новото нормално
  • Леонардо Змајшек – Родното огниште не смее да згасне
  • Јована Гичова – Што ако учениците ги оценуваат наставниците?
  • Ване Пеев – Желбата за мир како оружје против уништувањето на светот
  • Ивана Димитрова – Се плашите ли од темнината?

Учесниците во ТОП 20 ќе добијат пакет МСУ подароци, сертификат за пласман во ТОП 20, книги од нашата издавачка куќа Меѓународен центар за славјанска просвета.


Менторите на сите учесници во конкурсот ќе добијат сертификати. Дополнително, сите учесници ќе добијат:

  • печатен примерок од изданието „Средношколски размислувања 5“
  • МСУ подароци
  • сертификат за учество на конкурсот

Информација за учесниците


Почитувани,

поради зголемениот обем на апликации кои пристигнаа во последните денови од конкурсот, Ве известуваме дека датумот за објавување на резултатите ќе биде поместен. Заклучно со 10-ти мај пристигнаа над 620 есеи.

За да бидеме сигурни дека на секој од есеите ќе му биде посветено потребното внимание и победниците ќе бидат избрани во фер и транспарентен процес одлучивме на комисијата да и овозможиме повеќе простор за работа. Комисијата во моментов работи на оценување на есеите и резултатите ќе бидат објавени на оваа страница на 1-ви јуни 2021.

Во врска со промоцијата на збирката есеи – Ве известуваме дека истата ќе се одржи една седмица пред објавувањето на наградените учесници и тоа на 25 мај со почеток од 20:00 часот.

Ве известуваме дека за промената на датумот ќе добиете и писмено известување на е-маил адресата со која сте аплицирале за конкурсот.


Меѓународниот Славјански Универзитет „Гаврило Романович Державин“, Институтот за култура и уметност при МСУ „Г. Р. Державин“ и издавачката куќа Меѓународен центар за славјанска просвета – Свети Николе распишуваат

КОНКУРС

за најдобри средношколски есеи на следниве теми:

  • Што ако учениците ги оценуваат наставниците?
  • Делото што ми го промени животот.
  • Како киното го менува градот?
  • Најдобрата одлука што некогаш ја имам направено.
  • Го менуваме учебникот за лаптопот.
  • Позитивните страни на ривалството и/или конкуренцијата.
  • Новото нормално.
  • Мојата визија.
  • Слободна тема.

Петта година по ред сме во потрага по оригинални есеи. Искрени, сатирични, духовити, храбри, креативни, интелигентни, емоционални, визионерски… Баш такви есеи какви што сакате да напишете! Есеи што навистина можат да ги отсликаат средношколските размислувања.

Есеите кои ќе пристигнат на конкурсот се објавуваат во печатена публикација „Средношколски размислувања“ и сите учесници ќе добијат примерок од публикацијата.

Насловите на темите се дадени само како насоки за авторот. Може да давате аргументи за и против, може да се согласувате и да не се согласувате со дадените теми. Во оформување на идејата (и колку апстрактна таа ќе биде) можете да имате целосна слобода. Важно е да се чувствувате слободни и сигурни во тоа што го пишувате.



1. Кој може да се пријави?

На конкурсот можат да учествуваат сите средношколци од Република Северна Македонија со неограничен број на есеи.


2. Кои услови треба да ги исполнува есејот?

Есејот треба да биде напишан на македонски, албански или англиски јазик и да ги исполнува следниве услови:

  • да биде напишан на една од дадените теми
  • да биде подготвен како MS Office Word документ (.doc или .docx) – А4 формат
  • да не надминува 700 зборови
  • фонт Times New Roman (со македонска/кирилична поддршка за есеите на македонски јазик);
  • маргини: лево, десно, горе и долу по 20 mm
  • да не биде навредлив кон ниту една етничка заедница, ниту смее да содржи говор на омраза базирано на раса, религија или пол

3. Освен есејот, дали е потребно да се достават дополнителни информации?

Потребно е на првата страница, пред почетокот на есејот, да бидат истакнати следниве податоци:

  • име и презиме на авторот
  • година на раѓање на авторот
  • име на училиштето и место
  • ментор (доколку има)
  • адреса и место на живеење на авторот
  • телефонски број на авторот
  • адреса за електронска пошта на авторот

4. До кога најдоцна треба да се испратат материјалите?

Конкурсот ќе трае од 2 март до 10 мај 2021 година, до 23:59 часот. Материјалите доставени после наведениот рок нема да бидат земени предвид.


5. Каде се испраќаат материјалите?

Есеите можете да ги прикачите во електронската пријава која е дадена подолу на оваа страница.  


6. Награди

Предвидени се специјални награди за

  • Прво место: Златна плакета, таблет, МСУ подароци.
  • Второ место: Сребрена плакета, сет за пишување и 5 книги, МСУ подароци.
  • Трето место: Бронзена плакета, сет за пишување и 3 книги, МСУ подароци.

За сите останати учесници ќе бидат подготвени подароци и сертификати за учество на конкурсот.


7. Критериуми

Важно е есејот да ги задоволува техничките барања кои се наведени во конкурсот. Ова ќе биде првата фаза на елиминација.

Сите есеи што ќе ја поминат првата фаза ќе бидат оценувани од страна на комисијата според следниве критериуми:

  • оригиналност, иновативност
  • стил и начин на изразување
  • добро организиран есеј со соодветна содржина и структура
  • разбирање на темата за која се пишува
  • јасна цел, добро аргументирање и конкретни примери
  • граматика и интерпункција

Организаторот ги задржува правата да го направи изборот на есеи кои ќе бидат објавени во збирката.


8. Објавување на резултатите

Резултатите ќе бидат објавени на оваа страница на 18 мај 2021, најдоцна до 12:00 часот.


9. Доделување на наградите

Наградите ќе бидат доделени на посебна свеченост која ќе се одржи на Меѓународен Славјански Универзитет „Г. Р. Державин“ во Св. Николе на 24-ти мај во 12:00 часот. Учесниците ќе можат да го следат настанот преку Zoom.

На истиот настан ќе се одржи и промоција на публикацијата насловена „Средношколски размислувања 5“, каде ќе бидат објавени сите успешни есеи од конкурсот.



Имате прашања?

За дополнителни прашања обратете ни се на следнава електронска адреса: esei@msu.edu.mk.


АПЛИКАЦИЈАТА ЗА КОНКУРСОТ Е ЗАТВОРЕНА