Викторија Велкова од Канцеларијата за меѓународни односи на Меѓународен Славјански Универзитет зема учество на INNOVATE SEMINAR во рамките на Еразмус+ програмата. Семинарот се одвиваше во малиот планински град Копарберг во Шведска во периодот од 29 април до 5 мај 2022.

Викторија беше избрана да биде дел од тимот на невладината организација Youth on Board од Штип. Youth on Board се партнери во овој Еразмус+ проект заедно со други невладини организации од Естонија, Германија, Грција, Норвешка, Португалија, Романија, Шпанија, и Бугарија. Носител на овој проект е невладината организација Awesome People од Шведска, а имаше вкупно 25 учесници.

Семинарот организиран во рамките на Еразмус+ програмата има за цел да обезбеди платформа за дискусија и размена за важни прашања во европската младинска работа или младинска политика. Учесниците придонесуваа во дискусиите за развојот на младинската работа или младинската политика и разменуваа добри практики на избраната тема.

Цели на семинарот

Семинарот има за цел да ја зајакне соработката меѓу младинските организации и да промовира иновативни методи на младинска работа во вклучувањето на младите и неформалното учење преку размена на најдобри практики и работа кон развивање иновативни методи.

Главни содржини и активности на проектот:

• Да се ​​презентираат и анализираат постоечките иновативни пристапи;
• Критички да се погледнат перформансите на младинските организации;
• Да се ​​дискутира за иднината на младинските организации и нивната улога во младинската работа;
• Да се ​​обезбеди простор за споделување на најдобрите практики преку „работилници за иновации“ и да се поттикне размена на знаење, да се зајакне соработката меѓу партнерите и да се развијат заеднички иновативни проектни идеи;
• Да се ​​развие иновативен пакет со алатки што воведува и промовира иновативни пристапи во младинската работа.

За време на проектот се разменуваа различни мислења и беа поставени прашања од типот:

• Како да мотивираме повеќе млади луѓе да се вклучат во активностите на ваквите невладини организации?
• На кои начини би можеле да ги задржиме веќе активните членови од невладините организации, истовремено да ги поттикнеме да се вклучат во организацијата на Еразмус+ проекти?
• Како да ги следиме трендовите кои се актуелни за денешните млади луѓе?
• Што прават младите денес?
• Како се однесуваат младите?
• Што чуствуваат, размислуваат и зборуваат?
• Како го гледаат светот?

Организациите кои учествуваа во проектот се:

• Youth on Board (https://youthonboard.com.mk/)
• Maverick NGO Bulgaria (https://www.instagram.com/maverick_ngo/)
• Shokkin Group International / Estonia (https://et.shokkin.org/)
• Awesome People (https://www.awesomepeople.se/)
• Ticket2Europe (https://www.facebook.com/ticket2europe/)
• Youth Empowerment Center (https://youthecenter.wordpress.com/)
• Asociatia Un strop de fericire (http://www.stropdefericire.ro/)
• Villa (www.villa-leipzig.de)
• A jornada dos herois (https://www.facebook.com/AJornadaDosHerois/)

Во прилог можете да погледнете фотографиите кои пристигнаа од Викторија: