„Психолошки третмани на болка“ е третиот вебинар кој се одржа во рамките на платформата за психолошка поддршка. Вебинарот се одржа на 10-ти мај со почеток од 16:00 часот и беше осмислен како онлајн час во кој учество земаа и студенти од Факултетот за психологија.

Вебинарот го водеше вонр. проф. д-р Сашо Кочанковски, професор на Факултетот за психологија при Меѓународен Славјански Универзитет „Г. Р. Державин“.

Студентката Јована Новеска зборуваше за „Психолошки третмани на болката“, Камелија Илиева ја запозна публиката со „Гешталт терапија во третман на болка“.

Гедеон Узеировски и Емилија Митревска споделија повеќе информации за „Когнитивно-бихевиорална терапија“, Ангела Ѓуракова зборуваше за „Плацебо ефектот“, а Викторија Сидоровска имаше презентација на тема „Болнички кловнови – моќта на насмевката во лекувањето и рехабилитацијата.