Проф. д-р Ленче Петреска беше на посета на Универзитетот во Ниш, Србија во рамки на Еразмус+ програмата за мобилност од 26 септември до 30 септември.

Таа оствари неколку средби во текот на нејзината мобилност, на 27 септември ја посети Канцеларијата за меѓународни односи на Универзитетот во Ниш каде што беше топло пречекана од страна на проректорката за меѓународна соработка проф. д-р Весна Лопичиќ. На средбата се зборуваше за идни заеднички настани и за проширување на соработката за докторски студии помеѓу  МСУ и Универзитетот во Ниш, исто така за идни мобилности во рамките на Еразмус+ програмата за мобилност на студенти и административниот и наставниот кадар.

Ректорката исто така оствари средба со деканот на економскиот факултет проф. д-р Тадија Ѓукиќ и деканот на Факултетот за безбедност при работа проф. д-р Срѓан Глишовиќ и службеникот за меѓународни односи при Универзитетот во Ниш, Наташа Николиќ.

Во нејзина придружба беа и нашите блиски соработници од Универзитетот во Ниш, проф. д-р Бојан Крстиќ од Економскиот факултет, проф. д-р Снежана Живковиќ и доц. д-р Тамара Раденовиќ од Факултетот за безбедност при работа.