На 28 мај 2021 Меѓународен Славјански Универзитет „Г. Р. Державин“ и Институтот за култура и уметност при МСУ „Г. Р. Державин“ потпишаа Договори за соработка со Факултетот за хотелиерство и туризам – Врњачка Бања, Универзитет во Крагуевац.

Со потпишување на договорите нашите институции се согласија да разменуваат искуства во областа на образованието, да соработувааат за меѓународни научни и истражувачки проекти и за заеднички публикации, да овозможат размена на студенти и академски кадар итн.

Беа склучени два Договори за соработка. Првиот договор беше склучен помеѓу Меѓународен Славјански Универзитет „Г. Р. Державин“ и Факултетот за хотелиерство и туризам – Врњачка Бања, Универзитет во Крагуевац. Потписници на договорот беа ректорката на МСУ, проф. д-р Ленче Петреска и проф д-р Драго Цвијановиќ, декан на Факултетот за хотелиерство и туризам – Врњачка Бања.

Вториот договор беше склучен помеѓу Институтот за култура и уметност при МСУ и Факултетот за хотелиерство и туризам – Врњачка Бања, Универзитет во Крагуевац. Потписници на договорот беа директорката на Институтот за култура и уметност при МСУ, проф. д-р Соња Ризоска Јовановска и проф д-р Драго Цвијановиќ, декан на Факултетот за хотелиерство и туризам – Врњачка Бања.

На потпишувањето на договорите присуствуваа и проф. д-р Јордан Ѓорчев, претседател на Управен одбор на МСУ, проф. д-р Андреј Миќовиќ од Факултетот за хотелиерство и туризам – Врњачка Бања и доц. д-р Габриела Крстевска, претседател на Научниот совет при Институтот за култура и уметност при МСУ.