После седум успешни дискусии и вкупно 1000 уникатни посетители на онлајн настаните, заврши првиот циклус на вечерни дискусии на теми од психологијата со доц. д-р Ана Чучкова. На седмото продолжение од дискусиите имаше 380 учесници, а темата беше „Идентитет“. Дискусијата беше бесплатна и започна на 11-ти март 2021 од 21:00 часот.

Гости на настанот беа речиси сите гости од претходните дискусии – актерот Марјан Ѓорѓиевски, Иванчо Горјанин – сенсеи, Александар Георгиевски, оснивач на Gotham – Travel & Events и Михаил Стевчев, оснивач на Treebanks.

Се дискутираше на повеќе прашања во врска со идентитетот. Што е личен идентитет а што социјален или колективен идентитет? Што влијае на нашиот идентитет и дали ние со нашиот идентитет влијаеме на општеството?

Како изненадување за сите учесници подготвивме кратко видео во кое на 3 балончиња ги додадовме имињата на сите учесници во дискусиите.  Учесниците кои имаа сопствено балонче ја повторија истата постапка како нас и заеднички го поставивме нашиот печат на овие дискусии, a со тоа го дефиниравме нашиот идентитет и вашиот придонес во овие предавања.

По големиот интерес за „Деновите на психологијата на МСУ“, воведовме циклус на отворени предавања на МСУ. Започнавме со вечерни дискусии на теми од психологијата со доц. д-р Ана Чучкова. Првата дискусија беше бесплатна и се одржа на 3-ти декември 2020 на тема „Стоицизам – како начин на живеење во модерно време“ со околу 140 учесници.

Втората дискусија исто така беше бесплатна и се одржа на 17-ди декември 2020 на тема „Цртите на личноста и асертивноста“. Дискусијата се одвиваше онлајн преку платформата Zoom и траеше околу 2 часа, а имаше над 140 учесници.

Третата дискусија, како и претходните две се одржа бесплатно на 14-ти јануари на тема „Мотивација“ на која имаше околу 200 учесници.

Четвртата дискусија, исто така се одржа бесплатно на 28-ми јануари на тема „Психологија и пропаганда“. На четвртата дискусија гостин беше актерот Марјан Ѓорѓиевски.

Петтата дискусија беше бесплатна и се одржа на 11-ти февруари на тема „Благосостојба и мудрост“, а гости беа Тони Зен и Иванчо Горјанин – сенсеи.

Шестиот дел од вечерните дискусии на теми од психологијата со доц. д-р Ана Чучкова се одржа на 25-ти февруари од 21:00 часот. На дискусијата на тема „Стравови“ гости беа Александар Георгиевски, оснивач на Gotham – Travel & Events и Михаил Стевчев, оснивач на Treebanks.