На 24 февруари (петок) во Mayberry Highway Hotel Свети Николе се одржа јубилејното 30-то издание на манифестацијата „Асовите бираат асови“, на која се прогласуваат најдобрите спортисти и спортски работници во земјава. Организатори на манифестацијата се Бошко Трпевски, спортски новинар и Олимписки Комитет на С. Македонија, а генерален покровител на настанот беше Mayberry Highway при Меѓународен Славјански Универзитет.

Помеѓу наградените беа Кирил Лазаров, Лазар Лечиќ, Гордана Нацева, Ракометната репрезентација на Македонија, Миљана Релиќ, проф. д-р Ленче Алексовска, Даниел Диневски, Јован Поповски, Сречко Ѓорѓиевски, Мухамед Сејдини. Наградите ги врачуваа истакнати македонски спортисти, спортски работници работници и бизнисмени.

На настанот беше доделена награда на проф. д-р Јордан Ѓорчев, претседател на Управен одбор на МСУ, за развој на универзитетскиот спорт преку неговата работа со ЖРК Овче Поле – Славјански Универзитет. Наградата ја примија ракометарките од ЖРК Овче Поле – Славјански Универзитет и проф. д-р Јордан Ѓорчев, а беше врачена од доц. д-р Веселин Дрљевиќ спортски новинар од Радиотелевизија Црна Гора и професор на Универзитетот во Црна Гора.

На настанот Меѓународен Славјански Универзитет доби плакета за посебен придонес во развојот и афирмирањето на спортот во Република Северна Македонија. Плакетата ја додели организаторот Бошко Трпевски.

Видео од настанот