На денешниот отворен ден во Скопје идните студенти имаа можност да се запознаат со програмата за последипломски студии Бизнис и организација на Економскиот факултет од Љубљана.

На настанот кој се одржа во Стопанската комора на Р. Македонија се обратија амбасадорот на Република Словенија, Милан Јазбец, претседателот на Стопанската комора на Македонија, Бранко Азески и министерот без ресор задолжен за привлекување странски инвестиции Бардул Даути, деканот на Економски факултет Љубљана, проф. д-р Метка Текавчич, проф. д-р Мојмир Мрак, д-р Јордан Ѓорчев, како и претставници на неколку организации и компании во Македонија.

Од октомври 2018 на Меѓународен Славјански Универзитет „Г. Р. Державин“ ќе започне реализација на наставата од програмата Бизнис и организација со професори од Словенија.

Економски факултет при Универзитетот од Љубљана е тројно акредитиран со трите највисоки меѓународни акредитации за бизнис постдипломски студии во светот и се наоѓа помеѓу 50-те најдобри факултети во светот, и е рангиран на второ место во Југоисточна Европа и во првите 500 универзитети на Шангајската листа.