Денес во организација на Меѓународен Славјански Универзитет „Г. Р. Державин“ и СОТУ „Ѓорѓи Наумов“ – Битола се одржа регионалниот натпревар „Млади претприемачи“ на кој се натпреваруваа 9 екипи со по 5 членови.

Натпреварот се одржа во просториите на средното училиште, а учествуваа ученици од неколку градови на Македонија. Екипите беа мешани, па така секоја група беше составена од ученици од различни училишта. Нивна задача беше да дадат предлог решение за модел на стипендирање кој според нив би бил најсоодветен за идните студенти. Учениците денес покажаа голема креативност, иновативност, оригинални идеи и капацитет за справување со проблеми.