Во рамките на Еразмус+ програмата Меѓународен Славјански Универзитет е домаќин на двајца професори од Турција: д-р Сахил Сечкин Ерол од  Универзитетот Бандирма Ониеди Ејлул [17. Септември] и д-р Фарук Сулејман Бербер од Универзитетот Сулејман Демирел.

Нивната посета беше исполнета со повеќе активности преку кои тие споделија знаења и искуства со нашите студенти и наставен кадар. Во рамки на посетата тие остварија средба и со проф. д-р Јордан Ѓорчев, претседател на Управен Одбор на МСУ и со вработените од Канцеларијата за меѓународни односи.

Меѓународен Славјански Универзитет продолжува да гради мостови помеѓу различните култури и да нуди нови можности за учење и напредок на своите студенти и персонал. Ние веруваме дека меѓународната соработка и размената на идеи се од суштинско значење за академскиот развој. Им благодариме на нашите гости за нивниот придонес и се надеваме на уште многу успешни соработки во иднина.