Во рамки на иницијативата да оствариме средби со матурантите од повеќето средни училишта во државата, ги посетивме и средните училишта во Охрид и Струга. Нашиот тим оствари средби со матурантите од СОСУ „Св. Кирил и Методиј“, ОСУ „Св. Климент Охридски“ и ОЕМУЦ „Св. Наум Охридски“ во Охрид, како и СОУ „Нико Нестор“ и ПСУ „Јахја Кемал“ во Струга.

На средбите со матурантите споделивме информации за можностите за студирање, истражување и личен развој кои ги нуди нашиот универзитет. Преку интерактивни презентации и дискусии тимот на МСУ и матурантите разговараа за важноста на високото образование во современото општество и за неговата улога како темел за изградба на успешна професионална кариера и личност која активно придонесува кон заедницата.

Овие средби со матурантите се значајни за нас како прилика да ја истакнеме централната улога образованието во развојот на општеството. Со посебен акцент на иновативните студиски програми, современите методи на учење и можностите за финансиска поддршка МСУ продолжува да овозможува квалитетно високо образование достапно за сите студенти.