Денес (04.09.2023) е вториот ден од обуките во рамки на Еразмус+ краткорочниот проект за мобилност на ученици и вработени во стручно образование и обука. Проектот со наслов „Together for the digital future of Kyustendil“ е производ на соработката помеѓу Евро-славјанската заедница (Евро-Славянска общност) од Ќустендил и Меѓународен Славјански Универзитет како партнери.

И вториот ден од предавањето го продолживме со презентациите на вештините во дигиталната средина. Особено инспиративно и креативно беше излагањето на проф. д-р Јордан Ѓорчев на тема визуелна естетика каде беа претставени нови модерни идеи за визуелната естетика во современото дигитално општество, за кое беше награден со искрен аплауз од присутните.

Следните денови проектот продолжува со новите три модули, изработка на видео лекции, работа со дигитални бази на податоци и работа со лица со специјални образовни потреби во дигиталното општество.