Меѓународен Славјански Универзитет и AAB College од Косово официјално потпишаа Меморандум за соработка, отворајќи нови можности за академска и научна размена, развој на заеднички проекти и унапредување на меѓународната соработка.

На потпишувањето во Приштина присуствуваа д-р Ленче Петреска, ректор на Меѓународен Славјански Универзитет, д-р Павлина Стојанова, проректор за настава и Михаела Ѓорчева и Иван Спасев, членови на Управен Одбор при МСУ.

Од страна на AAB College, присутни беа д-р Блерим Олури, ректор на AAB College, д-р Венера Љуњи, проректор за меѓународна соработка и д-р Хасан Салиу, проректор за научно-истражувачка дејност. Ова партнерство претставува значаен чекор напред за двете институции, насочено кон унапредување на научната и културната соработка.