Патот до среќата

 од Студентски блог – студентски размислувања

Пишува: Марина Гоцевска студент на последипломски студии „Психологија во социјална заштита“

Кој е начинот да ја достигнеме среќата и да бидеме успешни? Задоволувајќи го нашето его се соочуваме со безброј конфликти, фрустрации и неуспешни обиди за среќа. Хуманоста е една од најголемите благослови што може еден човек да ги поседува. Речиси секогаш кога даваме, очекуваме нешто за возврат? Зошто нели самото давање на помош е среќа. Вие сте херојот на денот. Значи сте успеале да му го разубавите некому денот. На лошиот збор насмевнете се, едноставно несреќата доаѓа одвнатре и од вашиот ум. Не користете зборови кои отсликуваат некоја личност, затоа што не знаете кој низ каква приказна минува., Нема лоши луѓе туку несреќни. Злобата е цврсто прикотвена од корен како троскот кој тешко се отстранува.Како последица од родителите и средината. Што за жал таа несреќа ги води во провалија и завршуваат со лош крај. Никогаш не е доцна за нов почеток. Тешко е да заборавите на зборовите, тие се како стрели кои го распараат срцето. Зборовите доаѓаат од бесот, а тој неконтролирано владее со вас. Обидете се да им се спротиставите на вашите негативни мисли и емоции. Вие сте креаторот на вашата среќа. Погледнете го небото, убаво е кога е сончево ни ја осветлува насмевката. Кога врне ни ги сокрива солзите и ни ги помешува со капките дожд. Болката која ја носиме и не треба да ја чуваме во себе туку да ја извадиме на површината. Не знам дали постојат ангели на земјата, но постојат лица кои долетуваат и ни ги ублажуваат раните. Без разлика дали се на овој или оној свет. Болката не поминува туку се учиме како да живееме со неа. Во целиот свет се случувааат големи катастрофи, но вие побарајте ја причината за среќа , затоа што сигурно ја има. Заблагодарете се за секој ваш ден, секое ваше будење е подарок кој не можете да го купете и повторно да го доживете на ист начин. Првенствено тоа е вашата најголема среќа, вашето будење. Кога ќе се разбудите и за причината која ве прави среќни и секојдневно да наоѓате нова вие сте успеале да го достигнете високото ниво на среќа. Среќата е во малите нешта, среќата е кога со ваша помош успевате да ги направите среќни и останатите. Не заборавајте вашата енергија ја чувствува секое живо суштество. Започнете го денот со насмевка, насмевнете се, посакајте им убав ден на луѓето, пратете порака за убав ден. Подарете насмевка, убав збор, подадете им рака на тие што им е потребна. Не верувајте во се што гледате. Секое насмеано лице не значи и дека е среќно. Бидете истражувачи, анализирајте, помогнете. Децата се најголемата радост кажете им колку ги сакате. Подарете им честитка и верувајте и да не знаат да читаат ќе ја прочитаат пораката што сте сакале да им ја кажете. Развијте ја повеќе вашата емпатија. Помогнете им на безпомошните, гладните за храна, но и за љубов. Верувајте се што давате тоа и го добивате. Можеби не во моментот, но секој дава тоа што го има. Вашата среќа и радост никој не може да ви ја земе. Вашата среќа зависи само од вас самите.

Рубриката студентски блог е иницијатива на Здружението на студенти на Меѓународен Славјански Универзитет. Сите студенти при МСУ кои сакаат своето мислење да го изразат преку кратки есеи, можат својот пишан збор да го испратат на blog@msu.edu.mk.

*Сите испратени дела ќе бидат прегледувани од наш стручен кадар. Прифатените дела ќе бидат објавени на нашата официјална страна и секоја среда ќе биде објавуван по еден студентски блог во Битолски весник.