Нашата студентка Пулексенија Јованоска е прогласена за СПОРТИСТКА НА ГОДИНАТА
28 декември 2019
Искуството од Еразмус+ на нашата студентка Данче Митева
9 јануари 2020
Студентите по Информатика при Меѓународен Славјански Универзитет кои беа на тримесечна размена во Липецкиот Државен Универзитет , Липецк, Русија се вратија со успешно помината обука.
Панајотови Маја Маријана и Адриано поминаа обука во период од 16.09.2019 до 30.12.2019 во Липецкиот Универзитет каде што слушаа настава по предметите од смерот за Информатика.
Проректорот за настава на Липецкиот Универзитет, Анатолиј Александрович, на нашите студенти им ги врачи сертификатите и сувенирите од Универзитетот, а воедно и ги пофали за постигнатиот успех.
„Се надевам дека и после враќањето дома, комуникацијата со новозапознаените другари од Универзитетот ќе продолжи на социјалните мрежи.“ – изјави Адриано.
Студентите не само што активно учествуваа во образовниот процес, туку и во социјалниот и спортскиот живот на Универзитетот.
„Ние не само што се стекнавме со нови вештини и знаења, туку и уживавме во процесот на учење, а покрај тоа јас учествував и во креативниот фестивал на Универзитетот „Есенско деби“. Студентите и професорите од Универзитетот ми помогнаа околу подготовките.“ – изјави Маја Маријана.
