На 16 февруари со почеток од 19:00 часот се одржа третото предавање од Зимската лидерска школа на тема „Три техники за професионален јавен настап“ од м-р Марија Димишкова, тренер за јавно говорење и основач на Центарот за јавно говорење. Зимската лидерска школа е организирана од Меѓународниот Славјански Универзитет и Младински Борд – Штип.

На 90-минутното предавање присуствуваа околу 250 лица. Јавното говорење е клучен аспект на лидерството и личниот раст. Јавното говорење е суштинска вештина за лидерите бидејќи им овозможува ефективно да ги пренесат своите идеи. Без разлика дали се работи за презентирање, зборување пред голема публика или разговори со соработници и клиенти, способноста за добро и јасно комуницирање е важна за сите лидери.

Сите учесници ќе добијат Благодарница за учество. Зимската лидерска школа е бесплатна и учество може да земат сите заинтересирани граѓани.

Следното предавање ќе се одржи на 21 февруари, вторник. Четвртото предавање од Зимската лидерска школа ќе биде на тема „Алатки за развој на иновативни решенија“. Предавач ќе биде проф. д-р Самоил Малчески.