На 21 февруари со почеток од 19:00 часот се одржа четвртото предавање од Зимската лидерска школа на тема „Алатки за развој на иновативни решенија“ од проф. д-р Самоил Малчески. Проф. д-р Самоил Малчески предава група предмети на Факултетот за економија и организација на претприемништво при Меѓународен Славјански Универзитет. Зимската лидерска школа е организирана од Меѓународниот Славјански Универзитет и Младински Борд – Штип.

На 90-минутното предавање присуствуваа околу 200 лица. На ова 90-минутно предавање можевте да научите повеќе за најновите алатки и техники кои се користат во развојот на иновативни решенија и да ги поткрепите вашите лидерски вештини со вредни знаења.

Сите учесници ќе добијат Благодарница за учество. Зимската лидерска школа е бесплатна и учество може да земат сите заинтересирани граѓани.

Следното предавање ќе се одржи на 25 февруари, сабота со почеток од 12:00 часот. Петтото и последно предавање од Зимската лидерска школа ќе биде на тема „Важноста на лидерот во организацијата“. Предавачи ќе бидат проф. д-р Mенде Солунчевски, проф. д-р Трајанка Макревска и проф. д-р Снежана Малцов.