Доделена 16-та новинарска награда „Тоде Петрески“ на карикатуристот и сатиричарот Блаже Докуле
29 мај 2020
Известување и пријавување за јунска испитна сесија 2020 год.
8 јуни 2020
Ликовниот конкурс „Омилената приказна од А. С. Пушкин“ – 2020 кој започна од 4-ти јуни 2020, заклучно со 30 јуни е завршен. Гласањето траеше до 10-ти јули (петок) 2020 година.
На овој конкурс пристигнаа 625 дела од креативни и талентирани деца од 5 до 17 години кои цртаа на тема „Омилената приказна од А. С. Пушкин“.
Наградени дела:
-
Наградени дела за возрасна група од 5 до 7 години
1 место – Максим Апостоловски
2 место – Бисера Панова
3 место – Иво Митрески
-
Награди за возрасна група од 8 до 11 години
1 место – Матеја Дончовска
2 место – Андреј Егоров
3 место – Василиј Закоски
-
Награди за возрасна група од 12 до 14 години
1 место – Даниел Шалев
2 место – Стефан Станковски
3 место – Никола Станков
-
Награди за возрасна група од 15 до 17 години
1 место – Ана Марија Стефановска
2 место – Јана Бутеска
3 место – Евгенија Радојковска
*Сите учесници добиваат сертификат за учество на конкурсот
Во продолжение можете да ги погледнете наградените дела:
Наградените учесници можат да се јават во инбокс на официјалната фејсбук страница на Институтот за култура и уметност при МСУ.
Комисија:
- Проф. д-р Соња Ризоска Јовановска, директор на Институтот за култура и уметност при МСУ, член на комисија;
- М-р Елена Златева, иницијатор на конкурсот, член на комисија;
- Олга Николовска, дипломиран наставник по ликовна уметност, иницијатор на конкурсот, член на комисија;
- Руски Академик Владимир Кравцев, член на комисија;
- Димитар Стојанов, член на комисија.
Институтот за култура и уметност при Меѓународен Славјански Универзитет објавува
ЛИКОВЕН КОНКУРС
по повод месецот на Александар Сергеевич Пушкин – „Омилената приказна од А. С. Пушкин“
Месецот јуни го посветуваме на големиот руски поет Александар Сергеевич Пушкин, по повод неговото раѓање на 6-ти јуни 1799 година.
Овој конкурс е наменет за развој на творечкиот потенцијал на децата, нивно ангажирање за творечка работа заедно со родителите, а исто така и за развој на нивното креативно размислување. Идејата е да ги стимулираме талентираните деца на територијата на Република Северна Македонија во областа на уметничкото творештво и да ја поттикнеме заинтересираноста на децата за творештвото на големиот руски поет Александар Сергеевич Пушкин.
Конкурсот се одржува по иницијатива на Елена Златева, раководител на проектот „Руски низ игра” и Олга Николовска, професор по ликовна уметност, а организатор е Институтот за култура и уметност при Меѓународен Славјански Универзитет „Гаврило Романович Державин“.
1. Кој може да се пријави?
На конкурсот можат да се пријават сите на возраст од 5 до 17 години.
2. Кои се условите за учество на конкурсот?
- Темата на трудот да биде инспирирана од творештвото на Пушкин. При доставување на изработката треба да се назначи од кое дело на Пушкин е инспирирана.
- На конкурсот се примаат трудови направени на секој вид хартија, картон и сл, и во било која техника (акварел, гваш, боички, пастел итн.).
- Трудовите децата ги праваат самостојно или под раководство на родителите, педагози и тн.
- Секој учесник може да учествува на конкурсот само со едно дело.
- Дела кои веќе учествувале на други конкурси не се дозволени.
- Фотографиите од делата треба да бидат со добар квалитет, висока резолуција и читливи податоци за авторот.
*Делото кое не ги исполнува горенаведените услови нема да учествува на конкурсот.
3. Освен делото, дали е потребно да се достават дополнителни информации?
Секое дело треба да содржи информации за авторот:
- име
- презиме
- возраст на авторот
- име на делото
- град и училиште
- име на раководителот.
Информациите се доставуваат заедно со делото.
4. Како ќе се организира конкурсот?
Конкурсот се организира онлајн и по завршување на истиот ќе бидат објавени победниците.
- Делата се доставуваат како фотографии во порака на Фејсбук страната на Институтот за култура и уметност при Меѓународен Славјански Универзитет „Г. Р. Державин“. Во пораката треба да се наведат и податоците за авторот.
- Потоа, ние ги објавуваме делата што пристигнуваат на истата Фејсбук страница. При објавување на делото го објавуваме името на делото, името на авторот и раководителот, возрасната категорија и градот.
- Публиката може да гласа за објавените дела со кликање на копчето „Ми се допаѓа“. Коментарите и бројот на споделувања нема да бидат земени во предвид.
5. Кои се критериумите за селекција на делата и како ќе се оценуваат истите?
Жирито ќе ги оценува делата според следните критериуми:
- соодветност на темата – 10%
- техника на реализирање на делото – 20%
- оригинална идеја – 20%
- емоционална експресивност на делото – 10%
- реакции на публиката – 40%
За оценување на делата ќе се формира стручно жири кое ќе прогласи по 3 најдобри дела од секоја возрасна група. Публиката ќе може да гласа за објавените дела со кликање на копчето „Ми се допаѓа“ на делото кое ќе биде објавено на Фејсбук страната на Институтот за култура и уметност при МСУ. Коментарите и бројот на споделувања нема да бидат земени предвид.
6. Возрасни групи на учесниците:
- Од 5 до 7 години
- Од 8 до 11 години
- Од 12 до 14 години
- Од 15 до 17 години
7. До кога најдоцна може да се испратат делата?
Делата за конкурсот може да се испраќаат од 4-ти јуни 2020 година до 30-ти јуни 2020 година.
8. Награди
Наградите се доделуваат по возрасните групи, секоја возрасна група има по 3 наградени дела.
-
Награди за возрасна група од 5 до 7 години
1 место – златна плакета, комплет за сликање и комплет од 6 смарт боенки
2 место – сребрена плакета, комплет од 6 смарт боенки
3 место – бронзена плакета, комплет од 3 смарт боенки
-
Награди за возрасна група од 8 до 11 години
1 место – златна плакета, комплет за сликање и комплет 6 книги (детска литература)
2 место – сребрена плакета, комплет од 5 книги (детска литература)
3 место – бронзена плакета, комплет од 3 книги (детска литература)
-
Награди за возрасна група од 12 до 14 години
1 место – златна плакета, комплет за сликање и комплет од 6 книги
2 место – сребрена плакета, комплет од 5 книги
3 место – бронзена плакета, комплет од 3 книги
-
Награди за возрасна група од 15 до 17 години
1 место – златна плакета, комплет за сликање и комплет од 6 книги
2 место – сребрена плакета, комплет од 5 книги
3 место – бронзена плакета, комплет од 3 книги
*Сите учесници ќе добијат сертификат за учество на конкурсот.
9. Објавување на резултатите
Резултатите ќе бидат објавени на оваа страница на 11-ти јули (сабота) 2020, најдоцна до 12:00 часот.
