Промоцијата на збирката есеи „Средношколски размислувања – 7“ се одржа на 8 јуни 2023 година (четврток) со почеток од 19:00 часот. Збирката есеи содржи есеи напишани од талентирани средношколци од речиси сите средни училишта во земјава.

Есеите кои се објавени во збирката се на македонски и англиски јазик и сите беа дел од Конкурсот за средношколски есеи. Промотор на збирката есеи беше проф. д-р Соња Ризоска Јовановска, директорка на Институтот за култура и уметност при Меѓународен Славјански Универзитет.

Свои обраќања имаа и проф. д-р Катерина Видова, проф. Татјана Алексиќ и м-р Кирил Трајчев, членови на комисијата за оценување на средношколските есеи.

Збирката на „Средношколски размислувања – 7“ е исклучителен приказ на креативноста и размислувањето на средношколците. Секоја приказна зрачи со оригиналност и длабочина и прави да размислуваме за светот околу нас. Сигурни сме дека оваа збирка ќе биде извор на инспирација за сите нас.

Резултатите од конкурсот ќе бидат објавени на 10 јуни 2023, најдоцна до 15:00 часот на нашата веб страница.