На 31 март 2023 година делегација од Меѓународен Славјански Универзитет го посети Lovely Professional University еден од најголемите универзитети во Индија, кој се простира на кампус поголем од 240 хектари и има повеќе од 40.000 студенти.

М-р Михаела Ѓорчева и Иван Спасев, членови на Управен одбор при Меѓународен Славјански Универзитет имаа средба со вработените од Канцеларијата за меѓународни односи при Lovely Professional University – д-р Навин Агарвал, заменик директор, д-р Шаиста Манзур и д-р Рахул Чабра. Беше остварена средба и со заменик директорот на Lovely Professional University – д-р Аман Митал.

Беа посетени и спортските терени и објекти на Lovely Professional University, а нашите претставници присуствуваа и на меч од тимскиот спорт кабади кој е популарен во Индија и во други земји во Азија. Lovely Professional University посветува големо внимание на спортот и има повеќе студенти и алумни кои освоиле медали на Олимписките игри.

На средбата се разговараше и за продлабочување на соработката помеѓу двата универзитети на повеќе полиња, а беа остварени средби и со деканите и професори на повеќе факултети (бизнис, психологија и информатика). Во рамки на посетата беше договорено и учеството на преставници од Меѓународен Славјански Универзитет на самит организиран од Lovely Professional University кој ќе се одржи во тек на месец октомври 2023 година.