М-р Михаела Ѓорчева, член на Управен Одбор на Меѓународен Славјански Универзитет и Софија Радончиќ од Службата за Е-учење при МСУ земаа учество на FIRESTARTER 2023, првата меѓународна конференција за искуство на клиенти и вработени која се одржа во DoubleTree By Hilton – Скопје.

Организатор на настанот е Македонската асоцијација за искуство на клиенти и вработени (MACEX), а фокусот беше ставен на откривање на стратегии, алатки, методи и иницијативи за развивање на поединците до нивниот максимален потенцијал. На конференцијата која се одржа на 1 јуни 2023 година говореа професионалци од повеќе компании и организации како Триглав Осигурување, Вита Институт, Универзитетот во Љубљана, Зегин, КБ Прво пензиско друштво, НЛБ банка, Maliqi Group, Кола, Сава Пензиско Друштво, Sport Life, Атлантик Група, Шпаркасе банка и од повеќе земји – Австрија, Словенија, Северна Македонија и Србија.

Среќни сме што имавме можност да ги споделиме овие важни моменти со истакнати поединци – проф. д-р Метка Текавчич, деканка на Економскиот факултет при Универзитетот во Љубљана, д-р Андреја Кодрин – директорка на Quintaum, г-дин Бранко Грегановиќ, претседател на Управниот одбор на НЛБ Банка – Скопје и г-ѓа Мелита Секуловска од Економскиот факултет при Универзитетот во Љубљана.

Со учеството на FIRESTARTER 2023 нашите вработени имаа можност да се поврзат со реномирани CX (Customer Experience) и EX (Employee Experience) практичари и лидери од повеќе земји и да дознаат повеќе успешни приказни за организациите кои ефективно имплементирале пристапи насочени кон клиентите и вработените.