На виртуелна свеченост Меѓународен Славјански Универзитет и Меѓународниот центар за културна комуникација од Малезија (International Cultural Communication Center Malaysia) свечено потпишаа Меморандум за соработка. Виртуелната свеченост се одржа на 8. февруари 2024 година.

Потписник беше проф. д-р Јордан Ѓорчев, претседател на Управен Одбор на МСУ, а потпишувањето на меморандумот беше реализирано во просториите на Mayberry Highway, дел од кампусот на МСУ во Свети Николе. Претставниците од Меѓународниот центар за културна комуникација од Малезија го потпишаа договорот од нивното седиште во Куала Лумпур, Малезија.

Оваа значајна соработка ги отвора вратите кон размена на знаење и искуства со повеќе институции во рамки на Меѓународниот центар за културна комуникација од Малезија (ICCCM) кои се стремат кон промовирање на образованието и соработка на истражувања на меѓународно ниво. Во март 2024 година е планирана посета на делегација од МСУ на канцелариите на Меѓународниот центар за културна комуникација од Малезија.

Воспоставувањето на ваква соработка е значајна за нашите студенти и наставен кадар, бидејќи се очекува наскоро да започнеме со организација на заеднички конференции, како и студиски размени со земји од Азија.