Денес за Меѓународен Славјански Универзитет „Г. Р. Державин“ кампус Битола беше потпишан Меморандум за соработка помеѓу Факултетот за безбедносно инженерство и Здружението за заштита при работа на Општина Битола.

Потписници беа деканката на Факултетот за безбедносно инженерство проф. д-р Цевтанка Митревска и претседателот на здружението, дипл. инж. Предраг Зариќ.

Со меморандумот двете страни се согласија да соработуваат за:

• Организација на заеднички обуки за Безбедност и здравје при работа (стручни лица за безбедност и здравје при работа, координатори, претставници на вработените итн.)
• Организација на трибини, работилници и семинари за подигнување на нивото и свеста за значењето на безбедноста и здравјето при работа.
• Заедничко аплицирање на одредени проекти пред странски и домашни фондови.
• Едукација на ученици од најмала возраст до матуранти, но и на наставничкиот кадар за безбедност и здравје при работа.
• Заедничко настапување пред Министерството за Образование и наука за воведување на изборен предмет (Безбедност и здравје при работа) во средните училишта.