На 28/29.03. 2018 година, во Клубот на пратеници во Белград, Р.Србија, беше одржана округла маса на тема: „Кина – Романија – Србија – С. Македонија – Грција“ (академско – научна соработка на Патот на свилата), каде што, беше поканет и проф. д-р Васко Стамевски, претседател на Универзитетскиот сенат на Меѓународниот Славјански Универзитет, Г. Р. „Державин“, Св. Николе, Битола.

Организатор на овој значаен научен собир беше Институтот за национална и меѓународна безбедност (ИНМБ) во Белград. Во фокусот на настанот беше промоцијата на Универзитети од државите кои се наоѓаат на Патот на свилата (проектот: „Еден Појас Еден Пат“ на НР Кина), со цел изнаоѓање начини за воспоставување на взаемна соработка, на академско и научно ниво.

Претседателот на Универзитетскиот сенат на Меѓународниот Славјански Универзитет и член на Институтот за национална и меѓународна безбедност во Белград, проф. д-р Васко Стамевски, имаше излагање во кое, покрај промоцијата на универзитетот, беа посочени и можните начини на соработка меѓу МСУ и останатите универзитети, чии претставници од највисоките раководни органи беа присутни на средбата.

На округлата маса, која ја отвори г-дин Младен Шарчевиќ, министер за образование, наука и технолошки развој на Република Србија,  учествуваа и следниве професори:

-Проф. д-р Марилен Габриел Пиртеа, ректор на Западен Универзитет во Темишвар и потпретседател на Парламентот на Романија.

-Проф. д-р Зоран Драгишиќ, продекан на Факултетот за безбедносни студии, Универзитет во Белград и пратеник во Парламентот на Р. Србија.

– Проф. д-р XU Mingqi, претседател на Шангајскиот институт за европски студии, заменик претседавач на Кинеското здружение за европски студии и директор на Центарот за европски студии, при Шангајската академија за општествени науки, НР Кина.

-Проф. д-р Лилијана Попеску, проректор на Националниот универзитет за политички студии и јавна администрација, Букурешт, Романија.

–Проф. д-р Флорим Лобонт, декан на Факултетот за политички науки, филозофија и комуникациска технологија, Западен универзитет Темишвар, Романија.

–Проф. д-р Дарко Трифуновиќ, директор на Институтот за национална и меѓународна безбедност , Белград, Р. Србија.

-Проф. д-р Предраг Цветковиќ,Правен факултет, Универзитет во Ниш, Р. Србија.

-Проф.д-р Миомира Костиќ, Правен факултет, Универзитет во Ниш, Р. Србија.

– Проф. д-р Дарко Димовски, Правен факултет, Универзитет во Ниш, Р. Србија.

-Проф. д-р Зоран Ракиќ, декан, Математички факултет, Универзитет во Белград.

-Проф. д-р Миљан Кнежевиќ, продекан на Математички факултет, Универзитет во Белград, Р. Србија.

–Проф. д-р Александра Томиќ, член на националниот парламент на Србија, претседател на комисијата за финансирање и буџет.

–Проф. д-р Андрија Блануша, декан, Правен факултет, Универзитет Мегатренд, Белград, Р. Србија

– Проф. д-р Бранислав Тодоровиќ, виш научен соработник во Националниот технички универзитет во Атина, Р. Грција.

Во рамките на настанот, на Претседателот на Шангајскиот институт за европски студии при Шангајската академија за општествени науки од НР Кина, проф. д-р XU Mingqi,од страна на Институтот, му беа предадени две Студии за безбедносна проценка на ризик за Р. Србија и Р С Македонија, изработени од проф. д-р Дарко Трифуновиќ и проф. д-р Васко Стамевски, во контекст на проектот: Еден Појас и Еден Пат и 16+1 иницијативата.

Професорот Стамевски оствари и лична работна средба, со проф. д-р  XU Mingqi, во однос на понатамошната меѓусебна соработкана научно ниво (изработка на студии, проценки, проекти и истражувања) меѓу МСУ Г. Р.  Державин и Центарот за европски студии, при Шангајската академија за општествени науки од НР Кина,  како и реализација на взаемни посети меѓу двата универзитети и размена на академски кадар. Тој, исто така, имаше состанок со ректорот на Универзитетот во Темишвар, заради отварањена идни перспективи за академска соработка.