Денес на Меѓународен Славјански Универзитет „Г. Р. Державин“ во Свети Николе беше одбележан рускиот празник Масленица.

Масленица претставува славење на новиот живот, будење на природата, доаѓање на сончевата топлина. На трпезата традиционално се нудат палачинки кои го претставуваат сонцето, а од тој ден во православниот свет започнуваат постите како најава за големиот христијански празник Велигден.

Годинава овој празник беше одбележан согласно протоколите, со ограничен број на публика. Настанот беше во организација на Меѓународен Славјански Универзитет „Г. Р. Державин“, Институтот за култура и уметност при МСУ, Амбасадата на Руската Федерација во Република Северна Македонија, Сојузот на здруженија за македонско-руско пријателство во Р. Северна Македонија, Меѓународен центар за славјанска просвета и Здружението на студенти при МСУ.

Настанот го водеше м-р Елена Сиљаноска, а со свој поздравен говор се обрати и Амбасадорот на Руската Федерација во Република Северна Македонија Неговата Екселенција Сергеј Баздникин.

Програмата вклучуваше промоција на изданието „20 години од здружението на руски сонародници Чајка“ – промотор м-р Елена Сиљаноска, промоција на изданието „Свети-Николе – главное поселение Овчепольской котловины” (Свети Николе – главната населба во Овчеполската Котлина) м-р Никола Ристевски, проекција на рускиот филм „Стрељцов“ во Киноверзум – 3D кино во Свети Николе, палење на сламена кукла во дворот на Меѓународен Славјански Универзитет „Г. Р. Державин“, мал базар на ракотворби од членките на „Артељ“ и традиционално подготвени палачинки во ресторан „Златна Москва“.