Денес, 18. јануари 2024 година, во просториите на македонскиот прехранбен гигант Витаминка АД Прилеп беше потпишан рамковен договор за соработка помеѓу Меѓународен Славјански Универзитет и Витаминка.

Договорот го потпишаа д-р Орде Ѓорѓиоски, директор на секторот за правни и општи работи во Витаминка и проф. д-р Јордан Ѓорчев, претседател на Управен одбор на Меѓународен Славјански Универзитет. Во договорот се предвидени низа активности кои планираме да ги спроведеме заеднички и повеќе погодности за идните стипендисти и студенти – вработени во Витаминка и нивните семејства.