Меѓународен Славјански Универзитет продолжи со своите посети на средните училишта низ државата. На 29. март 2024 година беа остварени средби со матурантите од Македонска Каменица, Берово и Делчево, на кои се разговараше за можностите што ги нуди универзитетот. Нашиот тим ги посети СОУ „Методи Митевски – Брицо” – Делчево, СОУ ,,Миле Јаневски Џингар” – Македонска Каменица и ОСУ „Ацо Русковски“ – Берово.

Нашиот тим сподели информации за можностите кои ги нуди МСУ, со цел да ги мотивира младите луѓе да го продолжат нивното образование. Целта на средбите не е само да се информираат учениците за широкиот спектар на студиски програми, иновативните учебни методи и динамичниот студентски живот, но и да им се покажат можностите кои високото образование ги нуди за нивниот личен и професионален развој. Акцентот беше ставен и на значењето на образованието во модерното општество, како основа за развивање на критичко мислење и адаптација на брзите промени во светот.

Со нашите активности годинава сакаме да истакнеме дека продолжувањето на образованието е од суштинско значење за секој млад човек кој сака да гради успешна кариера и да придонесе кон општеството на позитивен и продуктивен начин. Високото образование обезбедува знаење и вештини за специфични професии и истовремено го поттикнува личниот раст.