Меѓународен Славјански Универзитет продолжи со средбите со матурантите од средните училишта низ земјата, овојпат во Кичево, Македонски Брод и Крушево. Со намера да ги поттикне матурантите кон реализација на нивните академски цели, нашиот тим успешно ги претстави предностите и можностите кои ги нуди Меѓународен Славјански Универзитет. Неделава ги посетивме ОСУ „Мирко Милески“ – Кичево, СОУ „Св. Наум Охридски“ – Македонски Брод и СОУ „Наум Наумовски – Борче” – Крушево.

Преку интерактивни сесии, нашиот тим ги претстави програмите на МСУ на учениците, отворајќи дискусии за важноста на продолжувањето на образованието во денешната динамична работна средина. Особено беше нагласено значењето на високото образование како есенцијален елемент за справување со предизвиците на современото општество. МСУ продолжува да биде место каде традицијата на квалитетно образование се спојува со современи образовни практики, подготвувајќи ги студентите не само за тоа што ги очекува денес, но и за предизвиците кои можат да настанат утре.

Во рамките презентациите исто така беше истакната потребата од континуирано учење и адаптација кон новите технологии, кои се критични за успех во која било кариера. МСУ се обврзува да биде водечки партнер во образовниот пат на секој студент, нудејќи платформа за развој на нивните таленти и поддршка на нивните професионални и лични аспирации.