Меѓународен Славјански Универзитет продолжи со средбите со матурантите во средните училишта во Битола, со цел да ги информира и мотивира идните студенти за остварување на нивните академски и професионални амбиции. Посетени беа ОСМУ „Д-р Јован Калаузи“, САБА – Средношколска Академија за Бизнис Администрација, СОУ Гимназија „Јосип Броз – Тито“, СОЕУ „Јане Сандански“ , Државно музичко училиште – Битола и СОТУ „Ѓорги Наумов“.

Со презентации и дискусии, тимот на МСУ објасни како високото образование претставува катализатор за развој на критичкото мислење, креативност и иновативност – клучни елементи за справување со предизвиците на денешницата. Освен што ги информираше учениците за студиските програми, тимот исто така ги истакна бенефитите од активниот студентски живот и разновидните можности за финансиска поддршка кои го прават високото образование достапно за сите.

Овие средби со матурантите во Битола беа прилика да се потенцира важноста на образованието како основа за подобра иднина за целата заедница.