Меѓународен Славјански Универзитет успешно ги реализираше своите презентации во Гевгелија и Богданци, истакнувајќи ја својата посветеност кон информирање на идните студенти. На 26. март 2024 година, тимот на МСУ посети две средни училишта – СОУ „Јосиф Јосифовски“ во Гевгелија и ОСУ „Богданци“ во Богданци, со цел да ги запознае учениците со многубројните можности што ги нуди универзитетот.

Средбите со матурантите беа насочени кон промоција на високото образование како важен чекор кон развојот на нивните лични и професионални вештини. Презентациите обезбедија детални информации за студиските програми, современите учебни методи и изобилството од студентски активности кои го збогатуваат студентскиот живот на МСУ. Дополнително, акцентот беше ставен и на достапните модели на финансиска поддршка кои овозможуваат полесен пристап до квалитетно високо образование за сите студенти.

Иницијативата за посета на училиштата во Богданци и Гевгелија е дел од стратегијата на МСУ за директна комуникација со младите и нивно информирање за значењето на образованието. Во време кога светот се соочува со брзи промени и нови предизвици, образованието е основа за успешна адаптација. МСУ продолжува да биде средина која ги поттикнува студентите да стекнат знаења, да развијат критичко мислење и да развиваат клучни вештини потребни за успешно справување со предизвиците на иднината.