Меѓународен Славјански Универзитет ги продолжи своите активности за поврзување и инспирирање на идните студенти преку непосредни посети на средните училишта, овој пат насочувајќи се кон Прилеп. Тимот на МСУ имаше успешни презентации во пет прилепски средни училишта, со цел да ги информира матурантите за достапниот избор на студиски програми, финансиската поддршка и динамичниот студентски живот што го нуди нашиот универзитет. Во Прилеп остваривме средби со матурантите од СОУ „Ѓорче Петров”, ЕМУЦ „Ристе Ристески – Ричко“, Гимназија „Мирче Ацев“, СОУ „Кузман Јосифоски – Питу“ и СОУ „Орде Чопела“.

Во текот на овие средби со матурантите, освен за нашите програми, ние разговараме и за значењето и важноста на високото образование. Нашата цел е да ги поттикнеме учениците да размислуваат за различните можности кои им се на располагање и како МСУ може да ги поддржи во нивниот академски и професионален развој. Високото образование е клучот кон развивање на критичкото мислење, како и стекнување на специјализирани знаења и вештини кои се бараат на пазарот на трудот. Тоа претставува добра основа за секоја успешна кариера и им овозможува на студентите да придонесат кон општеството на продуктивен начин. Изборот на продолжување на образованието не е само инвестиција во иднината на самиот студент, но и во иднината на нашето општество.

МСУ се посветува на создавање на генерации кои се подготвени да се соочат со предизвиците што ги носи иднината, нудејќи образование кое е во чекор со глобалните трендови и потреби. Посетата на средните училишта ја потврдува нашата интенција да бидеме активен учесник во подготвувањето на младите професионалци кои ќе бидат движечка сила на општествениот напредок. Веруваме дека секој млад човек заслужува да го достигне својот максимален потенцијал и да направи значаен придонес кон развојот на нашето општество.