Во духот на градењето мостови помеѓу матурантите и високото образование, Меѓународен Славјански Универзитет ја продолжи својата иницијатива со посета средните училишта во Неготино и Кавадарци. Нашиот тим ги претстави бројните студиски програми, можности за финансиска поддршка и динамичниот студентски живот кој го нуди МСУ.

Преку серија презентации, матурантите од четири средни училишта беа запознаени со можностите кои ги нуди МСУ, и тоа: СОУ „Св. Кирил и Методиј“ – Неготино, СОУ „Киро Спанџов – Брко“, СОУ Гимназија „Добри Даскалов“ и СОЗШУ „Ѓорче Петров“ – Кавадарци. На овие средби со матурантите разменивме идеи и информации за нивниот академски пат и разговаравме за значењето на образованието за нивната иднина.

МСУ продолжува со својата мисија да биде водечка сила во обезбедувањето на квалитетно високо образование и поддршка за младите луѓе низ целата земја, охрабрувајќи ги да ги следат своите соништа и да градат успешна иднина.