Мартина Псотова од Универзитетот „Св. Кирил и Методиј“ во Трнава, Словачка, на 3 октомври присуствуваше на првиот академски час на Меѓународен Славјански Универзитет во Свети Николе и со тоа ги започна нејзините студии на нашиот универзитет. Таа овој семестар ќе студира на додипломските студии на Факултетот за психологија при МСУ во рамките на програмата Еразмус+, во делот на мобилност за студенти.

Во рамки на првата посета Мартина Псотова оствари средба со вработените од Канцеларијата за меѓународни односи, го проследи првиот академски час, како и свеченото врачување на индекси на МСУ.