Годинава 15, 16 и 17 октомври се Еразмус+ денови. По тој повод, Меѓународен Славјански Универзитет „Г. Р. Державин“ заеднички со Институтот за култура и уметност и Здружението на студенти на МСУ ќе организира три настани:

• „Запознај се со Еразмус+“ – онлајн презентација за можностите кои ги нуди Еразмус+ програмата за студенти и онлајн средба со Еразмус+ алумни (15 октомври 2020, 12:00 часот)
• „Мојата Еразмус+ визија“ – ликовен и фото конкурс (од 25 септември до 15 октомври) (објавување на резултатите и виртуелна изложба на 16 октомври од 12:00 часот)
• „Заеднички кон Еразмус+ програмата“ – онлајн презентација за можностите кои ги нуди Еразмус+ програмата за вработените на МСУ.  (17 октомври, 12:00 часот)

Минатата година беа организирани 3995 настани под името „Денови на Еразмус“ во 53 земји. Годината нашата цел е да опфатиме што е можно поголема група на граѓани и да ги информираме за Еразмус+ програмата.

Како да земете учество?

За секој од настаните имаме предвидено различна група на учесници. Прочитајте ги деталите за настанот за кој сте заинтересирани:

Запознај се со Еразмус+

Преку „Запознај се со Еразмус+“, онлајн презентацијата за можностите кои ги нуди Еразмус+ програмата и онлајн средба со Еразмус+ алумни, сакаме да ја пренесеме информацијата до студентите на МСУ за можностите кои се нудат за нив. Нашиот главен фокус ќе биде споделување на искуства од Еразмус+ алумните и информирање на студентите за начинот на аплицирање. Во организацијата на овој настан ќе биде вклучено и Здружението на студенти на МСУ.

За да учествувате во настанот, Ве молиме пополнете ја апликацијата подолу. Откако ќе ја пополните апликацијата ќе добиете потврда на Вашата електронска адреса, три дена пред настанот ќе добиете линк за да можете да се вклучите на Zoom платформата и да бидете дел од онлајн презентацијата.

Настанот ќе се одржи на 15 октомври во 12:00 часот.

[iphorm id=”31″ name=”Пријавување за Еразмус денови”]

Мојата Еразмус+ визија

„Мојата Еразмус+ визија“ е ликовен и фото конкурс кој ќе биде отворен за сите генерации преку Инстаграм. Преку овој настан сакаме да ги запознаеме сите генерации на граѓани со Еразмус+ програмата и да ги поттикнеме да се вклучат со свои идеи. Во организацијата на овој настан ќе биде вклучен и инситутот за култура и уметност при МСУ.

За да ги прочитате деталите, кликнете на овој линк.

Конкурсот започнува на 15 септември и трае до 15 октомври. Виртуелна изложба и објавување на резултатите ќе се одржи на 16 октомври од 12:00 часот.

Заеднички кон Еразмус+ програмата

„Заеднички кон Еразмус+ програмата“ е онлајн настан – презентација за можностите кои ги нуди Еразмус+ програмата за вработените на МСУ. Со организација на овој настан сакаме да ги запознаеме вработените на МСУ со можностите за подготовка на проекти, за учество во проекти за мобилност и сл.

Сите вработени на МСУ ќе добијат линк до настанот на Zoom на службените електронски адреси.

Настанот ќе се одржи онлајн на 17 октомври, 12:00 часот.