„Мојата Еразмус+ визија“ е ликовен и фото конкурс кој ќе биде отворен за сите генерации. Конкурсот ќе биде спроведен преку Инстаграм. Преку овој настан сакаме да ги запознаеме сите генерации на граѓани со Еразмус+ програмата и да ги поттикнеме да се вклучат со свои идеи. Во организацијата на овој настан ќе биде вклучен и инситутот за култура и уметност при МСУ.

Услови за учество

• Конкурсот се спроведува на Инстаграм.
• Темата на конкурсот е „Мојата Еразмус+ визија“. Учесниците треба да подготват дело кое ги отсликува нивните позитивни очекувања од Еразмус+ програмата, нивните идеи и сл.
• Учесниците можат да учествуваат со фотографии, колажи од фотографии или трудови направени на секој вид хартија, картон и сл, и во било која техника (акварел, гваш, боички, пастел итн.).
• Секој учесник може да учествува на конкурсот со едно дело.
• Дозволено е учество на сите генерации.
• Дела кои веќе учествувале на други конкурси не се дозволени.
• Делата треба да бидат со добар квалитет и висока резолуција.

Како да учествувате

1. Учесниците ги прикачуваат нивните дела како фотографии на нивниот Инстаграм профил користејќи ја опцијата приказна (story). Учесникот треба да го означи Инстаграм профилот на МСУ – @slavjanskiuniverzitet и да го додаде хаштагот #ErasmusDays
2. Потоа, ние во истиот ден ги објавуваме делата во форма на приказна (story) на истиот Инстаграм профил, како и на Фејсбук профилот на МСУ.

Критериуми

Жирито ќе ги оценува делата според следните критериуми:

• соодветност на темата – 40%
• техника на реализирање на делото – 30%
• оригинална идеја и креативност – 30%

За оценување на делата ќе се формира стручно жири кое ќе прогласи тројца победници.

Награди

Ќе бидат селектирани тројца победници кои ќе добијат:

• 1 место – златна плакета + МСУ и Еразмус+ комплет (шолјичка за чај, маица, магнет, мауспад).
• 2 место – сребрена плакета + МСУ и Еразмус+ комплет (шолјичка за чај, маица, магнет, мауспад).
• 3 место – плакета + МСУ и Еразмус+ комплет (шолјичка за чај, маица, магнет, мауспад).

Времетраење

Конкурсот започнува на 25 септември и трае до 15 октомври. Виртуелна изложба и објавување на резултатите ќе се одржи на 16 октомври од 12:00 часот.