Факултетот за психологија при Меѓународен Славјански Универзитет организира дводневен онлајн форум на тема „Квалитетно образование – психологијата во образованието во центарот на учењето и развојот“.

Форумот има за цел да го истакне значењето на психологијата во современиот образовен процес, со посебен акцент на мотивацијата, учењето, личниот развој и психолошката поддршка на учениците.

Настанот ќе се одржи преку платформата Zoom, во текот на два дена (30 октомври, петок и 31 октомври, сабота), и ќе опфати пет тематски предавања посветени на актуелни прашања и предизвици во образованието.

---

---

Современото образование се соочува со бројни предизвици: намалена мотивација за учење, зголемен стрес и анксиозност кај младите, потреба од поголема инклузивност, брзи технолошки промени и сè поголема потреба од индивидуализирана поддршка на учениците.

Во вакви услови, квалитетното образование не подразбира само пренесување знаења, туку и разбирање на психолошките, емоционалните, социјалните и педагошките фактори што влијаат врз учењето и развојот.

Оттука, присуството на стручно оспособени психолози, педагози, наставници и други професионалци во образованието, како и потребата од надградување од формален и неформален аспект претставуваат неопходен услов за создавање училишна средина во која ученикот може да учи, да се развива, да го остварува својот потенцијал во една пријатна, интерактивна и сигурна средина.

Форумот ќе ја нагласи важноста на психологијата во образованието како област што ги поврзува психолошките сознанија со реалните потреби на учениците, наставниците, семејствата и образовните институции.

---

Цел на форумот

---

Целта на форумот е да го истакне значењето на интегрираниот психолошки и педагошки пристап во создавањето квалитетно, инклузивно и современо образование. Посебен акцент ќе биде ставен на улогата на психологијата во образованието во:

• разбирањето на процесите на учење и мотивација;
• поддршката на менталното здравје и благосостојбата на учениците;
• развојот на емоционалната интелигенција;
• создавањето позитивна училишна клима;
• примената на современи наставни пристапи;
• инклузивното образование;
• советувањето и поддршката на учениците, наставниците и родителите;
• професионалниот развој на идните психолози во образованието.

Истовремено, форумот ќе ги претстави компетенциите, практичната примена и професионалните перспективи што ги нуди студиската насока „Психологија во образованието“.

---

За кого е форумот?

---

Форумот е наменет за:

• матуранти и идни студенти;
• студенти;
• училишни психолози и педагози;
• наставници, професори и воспитувачи;
• стручни соработници во училиштата;
• образовни менаџери;
• родители;
• претставници на образовни институции и здруженија;
• сите заинтересирани за современите предизвици во образованието.

---

Програма

---

ПРВ ДЕН – ПЕТОК, 30.10.2026 – „Доживотно учење, внимание и мотивација –основи на квалитетното образование“

17:00–17:10 Свечено отворање на форумот – поздравно обраќање, претставување на Факултетот за психологија, целите на форумот и студиската насока „Психологија во образованието“
17:10–18:25 Предавање 1: „Потреба од доживотно учење и емоционална интелигенција – предуслов за квалитетна образовна средина“ (проф. д-р Ѓорѓина Ќимова)
18:25–18:40 Прашања и дискусија
18:40–19:55 Предавање 2: „Психологија на вниманието: зошто не можеме да учиме кога умот е на друго место“ (проф. д-р Ана Чучкова)
19:55–20:10 Прашања и дискусија
20:10–20:20 Пауза
20:20–21:35 Предавање 3: „Мотивација за учење и современи наставни пристапи – од пасивен ученик до активен учесник“ (проф. д-р Горица Поповска Налевска)
21:35–21:50 Прашања и дискусија
21:50–22:00 Заклучно видување и дискусија: „Што му е потребно на ученикот денес?“ – сумирање на клучните пораки и заклучоци од првиот ден

Предавачи:

• проф. д-р Ѓорѓина Ќимова
• проф. д-р Ана Чучкова
• проф. д-р Горица Поповска Налевска

---

ВТОР ДЕН – САБОТА, 31.10.2026 – „Психологијата во училиштето – поддршка, инклузија и соработка“

10:00–10:10 Отворање на вториот ден и кратко потсетување на заклучоците од првиот ден
10:10–11:25 Предавање 4: „Училишниот психолог некогаш и сега“ (проф. д-р Мирослав Пендароски)
11:25–11:40 Прашања и дискусија
11:40–12:55 Предавање 5: „Инклузивно училиште – моќта на стручниот тим и неопходноста од соработка“ (проф. д-р Анита Ристеска + лица од пракса)
12:55–13:10 Прашања и дискусија
13:10–13:20 Пауза
13:20–13:50 Отворен разговор: „Психологијата во образованието во практика“ – студенти, дипломирани студенти, наставници, педагози, училишни психолози, родители и практичари
13:50–14:00 Заклучоци, евалуација и официјално затворање на форумот

Предавачи:

• проф. д-р Мирослав Пендароски
• проф. д-р Анита Ристеска

---

Пријавување

---

За да се регистрирате ве молиме пополнете ја апликацијата. Учеството е бесплатно. Линкот за вклучување ќе го добиете еден ден пред почеток на настанот.

---

---