Теодора Ристеска, студентка на Факултетот за психологија при Меѓународен Славјански Универзитет, овој семестар го поминува на Универзитетот во Фоџа, Италија, во рамки на програмата Еразмус+.

За време на својот престој, Теодора има можност да го продолжи своето академско образование во нова средина, да ги прошири знаењата од областа на психологијата и да се запознае со различни пристапи кон учењето и изучувањето на оваа наука. Студирањето во Италија е и можност за запознавање нова култура, создавање меѓународни пријателства и стекнување поголема самостојност и самодоверба.

Ваквите искуства се значаен дел од личниот и професионалниот развој на студентите. Преку програмата Еразмус+, Меѓународен Славјански Универзитет ги поддржува своите студенти да ги прошират своите хоризонти и да станат дел од меѓународната академска заедница.

На Теодора ѝ посакуваме успешен семестар, многу нови знаења и незаборавни моменти во Фоџа!