Ви го честитаме Светскиот ден на безбедноста и здравјето при работа – 28 април! Како еден од ретките универзитети кои нудат студиски програми за безбедност и здравје при работа, знаеме колку е важно компаниите да работат посветено за благосостојбата на работниците.

На Меѓународен Славјански Универзитет веруваме дека образованието е клучно за создавање безбедни работни места. Се гордееме со нашата програма за безбедност и здравје при работа која ги подготвува нашите студенти да станат лидери во областа. Посветени сме на промовирање на безбедноста и здравјето при работа не само кај нашите студенти, но и во пошироката јавност преку разни едукативни работилници.

Заедно со нашиот Институт за инженерска економија денес го славиме напредокот што секојдневно го правиме во создавањето безбедни и здрави работни средини. Горди сме што на ова поле соработуваме со лидери од индустријата, професори и практичари од нашата земја и пошироко. Тоа е најдобриот начин да ги промовираме и применуваме безбедноста и здравјето при работа и да наоѓаме нови начини за заштита на работниците.

Продолжуваме да вложуваме напори за да ги направиме работните места уште побезбедни.