Меѓународен Славјански Универзитет во Битола исто така беше домаќин на курсот на тема “English for Higher Education Academics“, организиран од Atlas Language School од Даблин, Ирска. Курсот се одржуваше во 2 дена – 22 и 23 февруари 2024.

Иако оригинално наменет за предавачи во високообразовните установи, во Битола курсот имаше уникатен додаток – присуство на студенти на предавањата, што овозможи да се развие дискусија и студентите директно да дадат повратни информации на предавачите и да ги споделат своите искуства.Студентите ги споделија своите интереси и предизвиците со кои се соочуваат во образовниот процес, што придонесе кон поголемо разбирање на нивните потреби. Оваа интеракција не само што ја збогати дискусијата, но истовремено им овозможи и на предавачите да добијат директен увид во ефектите од нивните методи на предавање.

Предавач на курсот повторно беше Пол Финерти, Еразмус+ координатор и предавач од Atlas Language School, кој на предавањата се фокусираше на изговорот и различните техники за одржување на предавања. Особено внимание беше посветено на примената на вештачката интелигенција во образованието и нејзиното влијание на академскиот интегритет, тема која предизвика значителен интерес и дискусија помеѓу учесниците.