Поради настанатата ситуација со корона вирусот, сите активности, како и академските активности се ограничени со физичко присуство, но сепак современата информатичка технологија овозможува извршување на активностите и преку онлајн комуникација. Во таа насока и професорите на МСУ користејќи ги овие придобивки, активно се вклучија во наставниот процес како и учеството на конференции.

Претседателот на Сенатот на МСУ, проф. д-р Васко Стамевски, учествуваше во неколку меѓународни конференции, а исто така имаше и директни контакти поврзани со унапредување на академската соработка со други универзитети.

На 11.05.2020 Стамевски учествуваше на Меѓународна конференција. Во соработка со Институтот за истражување на хибридни конфликти, Фондацијата Конрад Аденауер одржа видео конференција под наслов „Хрватска и земјите од Западен Балкан – перспективи на ЕУ на Црна Гора и Северна Македонија“. Конференцијата се одржа во ТВ студио со вклучување во живо и дискусија со истакнати гости од Германија, Црна Гора и Северна Македонија. На неа учествуваа, д-р Норберт Бекман-Диркес и г-дин Флоријан Фејерабенд од Германија, кои зборуваа за  германските ставови за политиката на проширување на ЕУ кон земјите од Западен Балкан, додека учесниците од Црна Гора и Северна Македонија, зборувааа за актуелните политички случувања во овие земји и нивниот пат кон евроинтеграциите.

Професорот Стамевски имаше неколку минутно обраќање и анализа на постоечката состојба. Оваа конференција и информациите околу неа може да се најдат на следниот линк: Кликнете овде за линк

https://www.facebook.com/kas.zagreb/videos/259198862117243/

Како втора активност на Претседателот на Сенатот на МСУ е иницијатавата за потпишување на Договор за стоработка и заеднички активности со Универзитетот Бизнис Академија од Нови Сад. Таа иницијатаива заврши со позитивен резултат, по што на 01.09.2020 беше потпишан Меморандум за разбирање со Универзитетот Бизнис Академија од Нови Сад, Република Србија.

На 07/08.09.2020 проф. Стамевски беше учесник на Загребскиот безбедносен форум во организација на Институтот за истражување на хибридни војни. Форумот беше одржан со поддршка на НАТО и беше одржан во Загреб. Стамевски на овој форум се придружи преку онлајн комуникација.

Неколку денови после Форумот во Загреб, на 11.09.2020, Претседателот на Сенатот на МСУ, проф. д-р Васко Стамевски по предходна покана на Институтот за национална и меѓународна безбедност, по втор пат, учествуваше на Mеѓународната научна тркалезна маса, на тема: „Српско-Американски односи“. Овој настан беше организиран од Српско-американска парламентарна група за пријателство на Националното собрание на Република Србија и Институтот за национална и меѓународна безбедност од Белград.