Тамбовскиот државен Универзитет “Гаврило Романович Державин” од Русија и Меѓународниот славјански Универзитет “Гаврило Романович Державин” од Македонија објавуваат повик за заедничка младинска лингвистичко-економска летна школа  – „Рускиот јазик и економијата – наш чекор до успехот”.

Летната школа ќе се одржи од 18 до 25 септември 2016 година во Охрид.

На оваа летна школа имаат можност да учествуваат студенти, дипломирани студенти, магистранти или млади научници на возраст до 30 години кои сакаат да ги изучуваат рускиот јазик и економијата.

Програмата на Летната школа вклучува различни форми на учество: интерактивни групни сесии, презентации и дискусии во форма на тркалезни маси, работилници, консултации со експерти од областа на јазикот, образованието и економијата.

Младинската школа е наменета за продлабочување на знаењата по економија, практична работа на различни нивоа на комплексност. Во програмата на училиштето предвидена е интензивна обука на руски јазик со претставници од Македонија и други балкански земји.

Школата може да послужи како подготовка за полагање на меѓународниот испит по руски јазик како странски јазик (TORFL). На крајот на Летната школа, студентите можат да полагаат тест и да добијат сертификат од раководителот на Центарот за тестирање на Народниот Универзитет во Русија (PFUR).

Дополнителни информации:

• Учесниците сами ги покриваат трошоците до Р. Македонија (оние учесници кои доаѓаат со авион ќе бидат пречекани од организаторот на аеродром, како и на автобуските/железнички станици низ државата)
• Сите интерни екскурзии во државата се под покровителство на Организаторот на летната школа – Меѓународен Славјански Универзитет – „Г. Р. Державин“.
• Сите учесници ќе бидат сместени во Извиднички центар – Охрид на свој трошок и тоа 7 дена со полн пансион по цена од 130 евра на лице

Програмата за летната школа може да ја преземете овде.

Лице за контакт: Јасмина Пресилска
Е-маил: jasmina.presilska@msu.edu.mk
Тел: 070 308 557