Студентите од Факултетот за безбедносно инженерство при на Меѓународен Славјански Универзитет „Г. Р. Державин“ како дел од практичната настава ја посетија компанијата „МАНДИ ТРАНС“ од Битола.
Практичната настава беше поврзана со предметот „Заштита при транспорт и складирање“ кој го изучуваат студентите во 3-та година.
Компанијата „МАНДИ ТРАНС“ е една од најголемите приватни компании за транспорт на прехранбени производи во Р. Македонија која ги исполнува сите европски регулативи за безбедност при транспортот, како за вработените, така и за товарот која се пренесува.
Во компанијата се запознавме со начинот на нивно функционирање, околу обуката за вработените и возачите околу безбедноста на работно место и со сета потребна документација за безбедно извршување на оваа дејност.
Компанијата ја поседува и првата и единствена перална за внатрешно миење на цистерни според Сертификат ISO 22000:2005, согласно со највисоките европски стандарди.
Голема благодарност до компанијата за денешната практична настава, особено до сопственикот г-дин Петар Милошевски со кој воедно беше и договорена понатамошна соработка помеѓу нашиот универзитет и компанијата во иднина.