Симулација на земјотрес, спасување и евакуација на повредените беше вежбата која денес успешно беше спроведена пред студентите на Меѓународен Славјански Универзитет „Г. Р. Державин“ во Битола.

За успешната реализација се погрижија волонтерите на Црвениот крст од Битола, вработените во противпожарната единица и Брзата помош. Овие активности ги организираме за да ја подигнеме свесноста кај младите луѓе, соодветно подготвувајќи ги како треба да постапат при ваков тип на несреќи.

Во пресрет на оваа „тајна“ вежба за студентите, во понеделникот беше одржано соодветно предавање за спасување при земјотреси од страна на Црвениот крст во Битола, а настанот беше проследен со потпишување на Меморандум за соработка како и врачување на Благодарници за крводарителите кои во изминатите десет години имаат дарувано крв најмалку пет пати.