На 24 мај, на Денот на светите Кирил и Методиј, во просториите на Меѓународен Славјански Универзитет во Свети Николе се одржа традиционалната свеченост за врачување на дипломи на дипломираните студенти. Овој значаен датум, посветен на сесловенските просветители, симболично ја истакнува вредноста на писменоста, знаењето и академската посветеност.

Свеченоста започна со обраќања од основачот и претседател на Управниот одбор на Меѓународен Славјански Универзитет, проф. д-р Јордан Ѓорчев, и ректорот, проф. д-р Васко Стамевски. Во своите инспиративни говори, тие упатија пораки на охрабрување и мотивација до новата генерација дипломирани студенти, повикувајќи ги со иста посветеност да чекорат низ идните животни и професионални предизвици.

Во рамките на свеченоста се обратија и:

• Проф. д-р Соња Ризоска Јовановска од Факултетот за психологија
• Проф. д-р Слободан Бундалевски од Факултетот за технички науки и информатика
• Проф. д-р Иван Ефремовски од Факултетот за правни науки
• Проф. д-р Јулија Атанасовска од Факултетот за економија и организација на претприемништво

По официјалниот дел, следуваше најемотивниот момент – фрлање на капите и заедничка фотографија на дипломираните студенти, кои со гордост и насмевка го одбележаа овој значаен ден.

Меѓународен Славјански Универзитет упатува искрена благодарност до сите студенти, родители, наставен кадар, соработници и пријатели за нивната поддршка и доверба. Заеднички продолжуваме да градиме иднина исполнета со знаење, успех и напредок.

@slavjanskiuniverzitetНа Денот на сесловенските просветители Св. Кирил и Методиј, 24 мај, во свечена атмосфера се одвиваше еден од најзначајните настани, врачување на дипломите! #msu #diploma #fakultet #univerzitet #svkirilimetodij #uspeh

♬ original sound – MSU