Во свечената атмосфера на Офицерскиот дом во Битола, на 26 мај Меѓународен Славјански Универзитет ја одржа традиционалната церемонија за врачување на дипломи на дипломираните студенти – значаен настан кој симболично го заокружува академскиот труд и личната посветеност на секој студент.

Ректорот на Меѓународен Славјански Универзитет, проф. д-р Васко Стамевски, се обрати пред присутните со силна порака, истакнувајќи ги зрелоста, одговорноста и знаењата што дипломците ги стекнале, како и нивната подготвеност да чекорат самоуверено кон иднината.

Во рамките на свеченоста, дипломите ги врачија:

• Проф. д-р Анита Ристеска од Факултетот за психологија
• Проф. д-р Марија Гроздановска од Факултетот за правни науки
• Проф. д-р Јулијана Силјаноска од Факултетот за економија и организација на претприемништво
• Проф. д-р Цветанка Митревска од Факултетот за технички науки и информатика

Како што е традиција, свеченоста заврши со фрлање на капите и заедничка фотографија во дворот на Офицерскиот дом – симболичен чин на завршување на академското патување и почеток на нови предизвици.

Меѓународен Славјански Универзитет им честита на сите дипломирани студенти и им посакува уште многу успеси и остварени цели во иднина.

@slavjanskiuniverzitetУспесите на нашите студенти ги прославивме заедно при свеченото доделување на дипломите при МСУ во Битола! #msu #diploma #fakultet #univerzitet #uspeh #idnina #fyp

♬ original sound – MSU